ЯҢАЛЫКЛАР
ТР мәдәни мирас объектларын саклау комитеты рәисе Иван Гущин Ре-Школа студентларының үзләренең эшләрен яклауга багышланган чарада катнашты. Ул 9 февраль көнне Мәскәү шәһәренең «Рождественка» архитектура бюросында узды.
28 гыйнвар көнне Россия Федерациясе Дәүләт Думасының җиденче чакырылыш депутаты, Милләтләр эшләре комитеты рәисе Илдар Гыйльметдинов эш киңәшмәсе үткәрде.
Очрашуда Татарстан Республикасы мәдәни мирас объектларын саклау комитеты рәисе урынбасары Альберт Саляхов, “Татарстанның Мәдәни мирас үзәге” ГБУ җитәкчесе Марсель Каюмов, рус таш һәм агач архитектура һәйкәлләре реставраторы Александр Попов катнашты.
Семинар кысаларында шәһәр төзелешен җайга салу принциплары, Казан үзәген киңлекле үстерү стратегиясен эшләүнең башлангыч этабы структурасы, Казанның тарихи үзәген күзаллауның башлангыч нигезләре юнәлешләре буенча төркемнәр оештырылды.
1994 елның 22 гыйнварында Татарстан Республикасы Президентының «Казан Кремле» Дәүләт тарихи-архитектура һәм сәнгать музей-тыюлыгын оештыру турында»гы Указы имзаланды.
Татарстан Республикасы мәдәни мирас объектларын саклау комитеты рәисе Иван Гущин Мәскәү Патриархиясенең чиркәү сәнгате, архитектура һәм реставрация Эксперт советы утырышында катнашты.
Бүген Казан төзелеш көллиятендә агач архитектура сәнгатен үстерү белем бирү үзәген оештыруга багышланган киңәшмә узды. Аның эшендә Комите рәисе Иван Гущин, “Татарстанның мәдәни мирас үзәге” ДБУ җитәкчесе Марсель Каюмов, реставрация оешмасы директоры Александр Попов, көллият директоры Александр Проснев, аның уку эшләре буенча урынбасары Ольга Вахонина һәм җитештерү бүлеге мөдире Айгөл Мифтахетдинова катнашты.
Бүген Татарстан Республикасы мәдәни мирас объектларын саклау комитеты рәисе Иван Гущин ТР Җир һәм милек мөнәсәбәтләре министрлыгы тарафыннан оештырылган Казан шәһәре, Бауман урамы, 32нче һәм 34нче йортлар адресы буенча урнашкан “В.И.Щитинкин йорты, 1841-1844 еллар” төбәк дәрәҗәсендәге әһәмияткә ия мәдәни мирас объектын һәм “В.И.Щитинкин йорты, XIX гасыр башы, 1856-1857 елларда үзгәртеп төзелгән” ачыкланган мәдәни мирас объектын аукционда сатуга багышланган киңәшмәдә катнашты.
2019 елның 14нче гыйнварында Татарстан Республикасы мәдәни мирас объектларын саклау комитеты йомгаклау коллегиясе утырышы узды. Ул “Татарстан Республикасында 2018 елда мәдәни мирас объектларын саплап калу, файдалану, популярлаштыру һәм дәүләт тарафыннан саклау буенча башкарылган эшләр һәм 2019 елга бурычлар турында” дигән темага багышланды.
Бүген Балык Бистәсе муниципаль районының Олы Елга авылында урнашкан “Мәчет, XIX гасыр” төбәк дәрәҗәсендәге мәдәни мирас объектында реставрация эшләре башланды. Эшләрне Вологда өлкәсе агач архитектура белгечләре башкара.