ЯҢАЛЫКЛАР
Бүген, 12 декабрьдә, Кукмара районының Маскара авылындагы тарихи Җәмигъ мәчетендә торгызылган манарага ярымай кую тантанасы булды. Бу мәчет 1791-1793 елларда сәүдәгәр Габдулла Үтәмешев тарафыннан төзелгән һәм төбәк әһәмиятендәге мәдәни мирас объекты булып тора. Ул түбәндәге адрес буенча урнашкан: Кукмара районы, Маскара авылы, Үзәк урам, 36 нчы йорт.
Мәдәни мирас объектларын саклау буенча Татарстан Комитеты рәисе Иван Гущин сүзләренә караганда, 2024 елда Петропавловск соборы манарасында комплекслы реставрация эшләре башкарылган: фасадлар реставрацияләнгән, баскычлар, ишек уемнары, җәяләр, циферблатлар һәм сәгать механизмнары реставрацияләнгән, инженерлык челтәрләре урнаштырылган.
РФ Премьер-министры Михаил Мишустин «РФ халыкларының мәдәни мирас объектларын саклау» стратегик сессиясендә мәдәни мирас объектларына инвентаризация үткәрергә тәкъдим итте. Беренче чиратта тиешле дәүләт реестрына кертелгән мәдәни мирас объектларына инвентаризация үткәрергә, аннары аларны хуҗалык әйләнешенә кертү өчен өстенлекләр буенча төзергә кирәк.
ТР Мәдәни мирас объектларын саклау комитеты Биектау районының Усады авылында урнашкан «И.Н.Журавлев утары, XIX гасыр ахыры» һәйкәлен мәдәни мирас объектларының бердәм реестрына кертте.
9 декабрьдә РФ Федерация Советының утырышлар залында аның Рәисе Валентина Матвиенко җитәкчелегендә «Россия Федерациясе халыкларының мәдәни мирас объектларын (тарихи һәм мәдәни ядкарьләрен) саклау: программалы якын килү һәм законнар белән тәэмин итү»темасына парламент тыңлаулары узды.
Бүген Казан милли тикшеренү технология университетында мәгариф, мәдәният, фән һәм милли мәсьәләләр комитетының һәм Комитет каршындагы Эксперт советының күчмә утырышы булды, анда мәдәни мирас объектларын саклау мәсьәләләре каралды.
Татарстанның мәдәни мирас объектларын саклау комитеты рәисе Иван Гущин массакүләм мәгълүмат чаралары өчен матбугат туры барышында хәбәр иткәнчә, федераль әһәмияттәге «Һәлак булган сугышчыларга һәйкәл» мәдәни мирас объектында ремонт-реставрация эшләрен 2025 елның августында тәмамларга планлаштыралар.
Моңа кадәр билгеле булмаган биш археологик мирас объекты Татарстан территориясендә археологик разведка барышында табылган. Разведка кыр эшләре хуҗалык тарафыннан үзләштерелергә тиешле кишәрлекләргә тарихи-мәдәни экспертиза уздыру кирәклеге турындагы законнарның мәҗбүри таләбе кысаларында уздырылды.
2 декабрьдә Татарстан Республикасының мәдәни мирас объектларын саклау комитеты Казан федераль университетында утырыш үткәрде. Анда ул «В.П. Энгельгардт Астрономия обсерваториясе» Бөтендөнья мирас объектының (ЮНЕСКО) астрономия паркын булдыру белән функциональ-пространство үсеше концепциясен эшләүгә халыкара конкурс старт алуы турында сөйләде. Оештыру комитеты гаризалар кабул итүгә ачык.
Татарстан Республикасында республика башкарма хакимият органнарының максатларын һәм бурычларын ачыктан-ачык формалаштыру һәм аларның үтәлешенә җәмәгать контроле буенча проектны гамәлгә ашыру дәвам итә.