Биектау районында уникаль архитектура һәйкәле – Айбаш авылындагы мәчетне реставрацияләү тәмамланып килә
Бу вакыйганы район халкы түземсезлек белән көтә: яңартылган бина яңадан авылның мәдәни һәм рухи үзәгенә әвереләчәк. Бүгенге көнгә эшләрнең төп этабы төгәлләнгән: түбә конструкцияләре тулысынча ныгытылган, заманча түбә ябылган, ә тарихи манараның чатыр түбәсе үзенең силуэты белән кабат сөендерә.
Фасадлар тышлауга әзерләнә, каркасны монтажлау, су агызу системасын урнаштыру эшләре бетеп килә һәм тәрәзә блоклары тулысынча урнаштырылган. Эчке эшләр актив алып барыла. Хәзерге вакытта оригиналь интерьерлар 70% дәрәҗәсендә торгызылган: белгечләр мәчетнең тарихи йөзен традицион алымнар һәм материаллар кулланып торгызалар. Эчке баскычны монтажлау, тәрәзә һәм ишекләрне урнаштыру, тамбурларны һәм керү баскычларын үзгәртеп кору, стеналарны уттан саклаучы составлар белән эшкәртү, келәм җәю эшләрен төгәлләргә кирәк.
Мәчетнең технологик эчлеге дә яңартыла: яңа җылыту системасы, электр коммуникацияләре урнаштырыла. Мәчет тирәсендәге территория үзгәрә: штакетник урнаштырыла һәм участокны яшелләндерү эшләре тәмамлана.