Биләр тыюлыгының тугыз борынгы җирлеге Россиянең тарих һәм мәдәният ядкәрләре дип танылды
Мәдәни мирас объектларын саклау буенча ТР Комитеты заказы буенча Татарстанның Биләр тыюлыгы археологик объектларында комплекслы тикшеренүләр үткәрелде. Истәлекләр X-XV гасырларга карый һәм тыюлык территориясе булган Биләр археология комплексы тарихының Болгар һәм Алтын Урда чорларын чагылдыра.
Үткәрелгән экспертизалар һәр һәйкәлнең тарихи әһәмиятен раслады, аларның төгәл чикләрен, сак предметын һәм территориядән файдалануның аерым режимын билгеләде. Тикшеренүләр нәтиҗәләре буенча һәйкәлләр илнең мәдәни мирас объектларының бердәм дәүләт реестрына кертелгән.
Татарстан рәисе Рөстәм Миңнеханов Биләрнең уникальлеген һәм алга таба фәнни эзләнүләрнең мөһимлеген ассызыклады.
"Бу чыннан да уникаль урын. Археологларның тикшеренү отрядлары бик зур эш алып бара. Биләрнең бай мәдәнияте турында барысы да белергә тиеш", - диде Рөстәм Миңнеханов.