Комитет вәкилләре Казан зооботаника бакчасының тарихи территориясендәге эшлекле киңәшмәдә катнаштылар.

2023 елның 16 ноябре, пәнҗешәмбе

Фикер алышуның төп темасы булып «Оранжерея» объектын җайлаштыру тора, анда бинаны реставрацияләү һәм аның күләм-пространственный характеристикаларын үзгәртү ихтыяҗы актуаль. Мондый ихтыяҗ сирәк үсемлекләрнең табигый үсеш процессы белән бәйле. Объектка карата фасад һәм планлаштыру карарларының заманча концепцияләре тәкъдим ителде һәм проектлауны бары тик расланган режимнар һәм булган чикләүләр таләпләре кысаларында гына үткәрү буенча тәкъдимнәр алынды. Казандагы ботаника бакчасы Россиядә иң борынгыларның берсе. Биш заллы таш оранжерея бинасы 1834-1836 елларда Казан университеты архитекторы м.п. Коринфский проекты буенча төзелгән. Хәзерге вакытта ул мәдәни мирас объектларының бердәм дәүләт реестрына кертелгән.