Элеккеге Мортаза бай кунакханәсенең тарихи бинасында реставрация эшләре төгәлләнгән
Балтач районында элеккеге Мортаза бай кунакханәсенең тарихи бинасында инъекцияләү ысулы белән фундаментны ныгыту буенча комплекслы чаралар башкарылган. Түбә тулысынча төзекләндерелгән, тарихи күренеш торгызылган һәм зарарланган элементлар алмаштырылган. Бинада музей экспонатларын саклау өчен оптималь температура-дым режимын тәэмин итә торган заманча җылыту системасы монтажланган.
Хәзерге вакытта төзекләндерелгән архитектура һәйкәлендә Туган якны өйрәнү музее һәм Муса Җәлил музее урнашкан, алар өчен бинаның тарихи планын һәм чын элементларын саклап, эчке киңлекләр җайлаштырылган.
Тарихи белешмә: бина 1911 елда Себер трактында кунакханә буларак төзелгән. Бинаны икенче гильдия сәүдәгәре Мортаза Мөлеков төзегән. Хәзерге вакытта бина XIX гасыр ахыры – XX гасыр башы архитектурасы һәйкәле буларак дәүләт тарафыннан саклана.