Казанның Иске Татар бистәсендәге XIX гасыр мәчетен реставрацияләүгә яңадан тотынырга ниятлиләр
2025 ел проекты кысаларында таяныч конструкцияләрне ныгыту, җылылык изоляциясен яхшырту һәм төзелешнең тышкы факторлар йогынтысына тотрыклылыгын арттыру чаралары каралган. Инвалидларга һәм аз хәрәкәтләнүче гражданнарга ирекле йөрергә мөмкинлек бирә торган инфраструктура булдырылачак. Янәшәдәге территорияне төзекләндерүгә аерым игътибар бирелде.
Бинаны саклап калу эшләрен башкару проекты Дәүләт тарихи-мәдәни экспертизасының уңай бәяләмәсен алды.
Исегезгә төшерәбез, 2023 елда дини объектны саклау буенча эшләрнең беренче этабы кысаларында аварияләргә каршы эшләр башкарылды: бина периметры буенча отмостканы торгызу, гидроизоляцияне үтәү, түбә буенча аварияләргә каршы эшләр башкарылды.
Эш Татарстан Республикасы Мөселманнары Диния нәзарәте ярдәме белән «Татарстан мәдәни мирас үзәге» дәүләт учреждениесенең мәдәни мирас объектларын саклау буенча Татарстан комитеты карамагындагы белгечләр командасы тарафыннан башкарылды.
Борнай мәчете 1872 елда шәһәрнең мөселман җәмгыяте тарафыннан архитектор П.И. Романов проекты буенча милли-романтик юнәлештәге эклектика формаларында төзелә. Сәүдәгәр Мөхәммәтсадыйк Корбан Гали улы Бурнаев акчасына төзелгән. Бүгенге көндә ул федераль әһәмияттәге мәдәни мирас объекты статусындагы гамәлдәге мәчет.
ТР рәисе Рөстәм Миңнеханов элегрәк әйткәнчә: "Мәдәни байлык, ата-бабалар хәтере, һәр халыкның уникальлеге алдагы буыннарда дәвам итсен өчен безгә алга таба да көчебезне берләштерергә кирәк. Шул рәвешле генә без үзебезнең мәдәни кодны саклый алачакбыз»