«Татарстан Республикасы мәдәни мирас үзәге» хезмәткәрләре Юкәтау шәһәрчегендә булдылар
«Татарстан Республикасы мәдәни мирас үзәге» дәүләт бюджет учреждениесе хезмәткәрләре Чистай районындагы Юкәтау җирлеген карадылар һәм археологик Һәйкәл үсешенә багышланган түгәрәк өстәлдә катнаштылар. Чара җирле тарихчылар, укытучылар, республика районнарының музей хезмәткәрләрен җыйды.
Юкәтау – Идел Буе Болгарының X гасырда нигез салынган борынгы шәһәре. Ул Татарстанда хәзерге Чистай районы янында урнашкан. Борынгы шәһәр Батый гаскәрләре тарафыннан Идел Болгарына яу белән барганда җимерелә, ләкин бүгенге көндә дә анда археологик табылдыклар - савыт-саба, корал, йорт кирәк-яраклары табыла.
Юкәтауда табылган археологик табылдыкларны Чистай музей-тыюлыгының Шәһәр тарихы музеенда узган "Бөек Болгар һәм Юкәтау. Идел һәм Камадагы цивилизация" күргәзмәсендә күрергә була.
Чарада катнашучылар Чистай археологик һәйкәлләрен фәнни өйрәнүне дәвам итү һәм тиешенчә файдалану зарурлыгы турында фикер алыштылар.
Һәйкәл территориясенең чикләре һәм махсус файдалану режимы комплекслы тикшерү нәтиҗәләре буенча 2023 елның июнендә мәдәни мирас объектларын саклау буенча ТР Комитеты тарафыннан расланган иде.