Татарстан Республикасы Дәүләт Советында күпфатирлы йортларны (мәдәни мирас объектларын) капиталь ремонтлау мәсьәләләре турында фикер алыштылар
Бүген Татарстан Республикасы Дәүләт Советының Торак сәясәте һәм инфраструктур үсеш комитеты утырышы узды, анда депутатлар һәм чакырылганнар республиканың күпфатирлы йортларында гомуми мөлкәткә капиталь ремонт программасын гамәлгә ашыру турында фикер алыштылар.
Утырыш барышында мәдәни мирас объектлары булган йортларда ремонт эшләрен башкару мәсьәләләре турында сүз барды. Монда төп проблема булып Торак кодексында каралмаган күпфатирлы йорт-һәйкәлләрдәге өстәмә эш төрләренә өстәмә финанслау эзләнү кала, әмма шул ук вакытта аларны мәдәни мирас объектларын саклау турындагы кануннар таләпләре үз көченә керергә тиеш. Мондый эшләргә, мәсәлән, бинаның фасадының уникаль архитектура элементларын реставрацияләүне кертергә мөмкин.
Татарстан Республикасы Мәдәни мирас объектларын саклау комитеты рәисе Иван Гущин үз чыгышында депутатларның игътибарын капиталь ремонт өлкәсендәге аерым мәсьәләләрне закон чыгару дәрәҗәсендә эшләүнең актуальлегенә юнәлтте: мәдәни мирас объектларын саклау турында федераль законнарга «капиталь ремонт» төшенчәсен кертү, эшләр уздыруның гадиләштерелгән тәртибен кертү һәм күпфатирлы йортларда гомуми мөлкәткә капиталь ремонт ясау буенча тулы бер исемлекне раслау.