Дары заводының «Офицерлар йорты» Казанның тарихи кыйммәткә ия шәһәр формалаштыручы объекты санала һәм дәүләт тарафыннан саклана
Хәзерге вакытта түбәндәге адрес буенча: Казан шәһәре, Беренче Май урамы, 16 йорт (Казан дәүләт казна дары заводы янында) урнашкан торак йорт дәүләт саклавы астында тора.
Йорт 2017 елда Казан шәһәренең тарихи җирлеген саклау предметы булган тарихи кыйммәткә ия шәһәр формалаштыручы объектлар исемлегенә кертелгән. Хәзерге вакытта җир кишәрлеге һәм бина Дары заводы милкендә санала.
Дәүләт саклавына алынган объектларны юкка чыгарган яисә зарарлаган өчен гамәлдәге кануннарда җинаять яки административ җаваплылык каралган (Россия Федерациясе Административ хокук бозулар турында кодексының 7.14.1 маддәсе, Россия Федерациясе Җинаять кодексының 243 маддәсе).
Объектка башка сак статусы бирү мәсьәләсен коллегиаль тикшерү максатларында Комитет фәнни-методик совет утырышында ВООПиКның Татарстан төбәк бүлегеннән кергән материалларны карауны тәкъдим итте, аның барышында утырышта катнашучылар фикерләре бүленде.
Дискуссия нәтиҗәләре буенча әлеге материаллар тарихи-мәдәни кыйммәтне билгеләү өчен җитәрлек түгел дип танылды. Шуңа бәйле рәвештә, Комитет дәүләт архивларына (Татарстан Республикасы Дәүләт архивы, «Россия дәүләт тарихи архивы» ФКУ) өстәмә запрослар җибәрде.
Фәнни-методик совет утырышы беркетмәсе Комитетның рәсми сайтында урнаштырылган (http://okn.tatarstan.ru/rus/nauchno-metodicheskiy-sovet-3705237.htm).
Хәзерге вакытта Комитет, Татарстан Республикасы Төзелеш, архитектура һәм торак-коммуналь хуҗалык министрлыгы белән берлектә, Дары заводы музееның торак йортта урнашу мөмкинлеге мәсьәләсе тикшерелә.
Теге яки бу бинаны мәдәни мирас объектлары исемлегенә кертүгә юнәлдерелгән эш Комитет тарафыннан даими нигездә гамәлгә ашырыла һәм федераль һәм республика законнары белән җайга салына. Кануннар нигезендә бинаны дәүләт саклавына кую өчен табигый тикшеренүләр, тарихи-архив, библиографик һәм башка тикшеренүләр үткәрү, шулай ук алынган документларны һәм мәгълүматны тарих, архитектура, шәһәр төзелеше күзлегеннән чыгып өйрәнү һәм анализлау зарур.
Татарстан Республикасы мәдәни мирас объектларын саклау комитеты матбугат хезмәте