ТР Мәдәни мирас объектларын саклау комитеты каршындагы Иҗтимагый совет яңа составта җыелачак
17 сентябрьдә Татарстан Республикасы Мәдәни мирас объектларын саклау комитеты каршындагы Иҗтимагый советның яңартылган составтагы беренче утырышы була.
Утырыш XIX гасырның тарихи бинасында — Комитет эшли торган «Дротоевский йортында» узачак. Советның яңартылган составына 15 кеше — танылган архитекторлар һәм галимнәр, сәнгать белгечләре һәм музей хезмәткәрләре, ТР Иҗтимагый палатасы һәм иҗтимагый оешмалар вәкилләре, шулай ук республика массакүләм мәгълүмат чаралары журналистлары керде.
Беренче утырышта совет әгъзалары рәисне һәм аның урынбасарларын сайлаячаклар, шулай ук киләчәк эш планын билгеләячәкләр.
Исегезгә төшерәбез, Иҗтимагый совет составына үзгәрешләр кертү турындагы боерыкка Татарстан Республикасы Мәдәни мирас объектларын саклау комитеты рәисе Иван Гущин 2026 елның 2 сентябрендә кул куйган иде.