Иван Гущин Зәй укучыларын һәм студентларын уку елы башлануы белән котлады
ТР Мәдәни мирас объектларын саклау комитеты рәисе Иван Гущин 2 нче һәм 4 нче урта белем бирү мәктәпләрендә, шулай ук Зәй политехник көллиятендә Белем көненә багышланган тантаналы линейкаларда катнашты.
(1).jpg)
Иван Гущин Татарстан Республикасы Рәисе Рөстәм Миңнеханов исеменнән укучыларга, студентларга, педагогларга һәм ата-аналарга юлланган Белем көне белән котлауны укыды. Татарстан Рәисе үзенең мөрәҗәгатендә 1 сентябрьнең барлык буыннарны берләштерүче үзенчәлекле бәйрәм булуын билгеләп үтте һәм укучыларга һәм студентларга укуларында уңышлар, педагогларга — һөнәри озын гомер, ә ата-аналарга зирәклек һәм сабырлык теләде.
.jpg)
Беренче сыйныф укучылары һәм беренче курс укучылары адресына аерым сүзләр әйтелде: алар өчен бүген белем һәм иҗади казанышлар дөньясына юл ачучы мәктәп кыңгыравы беренче тапкыр яңгыраячак.
Зәй районы матбугат хезмәте фотосы