Татарстан Республикасы Мәдәни мирас объектларын саклау комитеты рәисе Иван Гущинның Археолог көне уңаеннан мөрәҗәгате
Хөрмәтле коллегалар, кадерле археологлар!
Татарстан Республикасы Мәдәни мирас объектларын саклау комитеты һәм шәхсән үз исемемнән сезне һөнәри бәйрәмегез – Археолог көне белән чын күңелдән котлыйм!
Татарстан хаклы рәвештә археологик планда Россиянең иң уникаль төбәкләренең берсе санала. Бүген республиканың ачыкланган мәдәни мирас объектлары реестрында һәм исемлегендә 3 меңнән артык археологик мирас объекты исәпләнә. Археологлар тырышлыгы белән соңгы 5 елда моңа кадәр билгеле булмаган 100 дән артык һәйкәл табылды. Аларның һәркайсы – туган як тарихындагы бушлыкларны тутырырга мөмкинлек бирә торган чорларның кыйммәтле шаһитлыгы.
Археолог һөнәре гаять зур белем, гаять зур сабырлык, чыдамлык һәм, әлбәттә, тарихка ихлас мәхәббәт таләп итә. Сез үткән чор вакыйгаларын бөртекләп торгызасыз, борынгы цивилизацияләрнең гаҗәеп серләрен ачасыз.
Тәҗрибәле осталарга алмашка яшь, талантлы тикшеренүчеләр буыны килүе сөендерә. Алмаш лаеклы, эстафетаны кабул итәргә һәм остазлар эшен дәвам итәргә әзер.
Заманча технологияләрнең яңа офыклар ачуы да әһәмиятле. Мәгълүматларны 3D-модельләштерү һәм цифрлы эшкәртүне куллану артефактларны җентекләп өйрәнергә, аларның пространстволы характеристикаларын теркәп куярга һәм уникаль мәгълүмат алырга мөмкинлек бирә, бу әле кичә генә мөмкин түгел хәл кебек тоела иде.
Хөрмәтле дуслар! Сезгә яңа ачышлар, мавыктыргыч экспедицияләр, ныклы сәламәтлек һәм иминлек телим. Һәр кыр сезоны – шатлык, ә фәнни тикшеренүләр лаеклы танылу китерсен.
Бәйрәм белән!
Иван Гущин,
Татарстан Республикасының Мәдәни мирас объектларын саклау комитеты рәисе