Казандагы Тихвин чиркәве һәм Успение кәшәнәсе мәдәни мирас объектлары булачак
Татарстан Республикасы Мәдәни мирас объектларын саклау комитеты дәүләт тарихи-мәдәни экспертизасы актларын карый. Ике һәйкәл дә төбәк әһәмиятендәге һәйкәлләр сыйфатында мәдәни мирас объектларының бердәм дәүләт реестрына кертеләчәк.
Тихвин чиркәве (Вознесенское авылы)
1740-1780 елларда төзелгән. 1824 елда – чаң манарасы, аннары Ходайның Күккә ашу хөрмәтенә мәхәллә төзелә. 60 елдан соң гыйбадәтханәне архитектор Павел Аникин проекты буенча Казан сәүдәгәре – иске обрядчы Павел Лисицын акчасына киңәйтәләр. Совет елларында чиркәү ябыла, гыйбадәтләр 1993 елда яңадан башланып китә.
Успение кәшәнәсе (Зур Клыки)
Зур һәм Кече Клыки мәхәлләләре өчен бердәнбер православие гыйбадәтханәсе буларак XIX гасыр ахырында дин тотучылар иганәсенә төзелгән. 1930 еллар башында ябылган. Җирле халык акчасына торгызылганнан соң беренче гыйбадәт 2012 елның җәендә уздырылган.
Комитет рәисе Иван Гущин:
«Тихвин чиркәве һәм Успение кәшәнәсе — танылган меценатлар исемнәре һәм авылларыбыз тарихы белән бәйле йола архитектурасының ачык үрнәкләре. Бу – изге урыннарның дәүләт дәрәҗәсендәге кыйммәтен тану. Ике объект та канәгатьләнерлек хәлдә һәм Татарстан тарихы һәм мәдәнияте өчен аерым әһәмияткә ия».
Фото: www.tatmitropolia.ru