Биләрдә кирпеч йорт мәдәни мирас объекты булачак

2026 елның 18 мае, дүшәмбе

Биләр авылында Анатолий Серов урамы, 58 адресы буенча урнашкан ике катлы кирпеч йорт Россия Федерациясе халыклары мәдәни мирас объектларының (тарихи һәм мәдәни һәйкәлләренең) бердәм дәүләт реестрына кертеләчәк. Экспертның уңай бәяләмәсе белән акт хәзер ТР Мәдәни мирас объектларын саклау комитетында карала.

Бина XIX гасыр ахырында төзелгән, рус бароккосы элементлары белән эклектика стилендәге торак архитектура һәйкәле булып тора. Икенче каттагы тәрәзә уемнары бай йөзлекләр белән Нарышкин бароккосы стилендә эшләнгән.

Йорт Биләр музей-тыюлыгы балансында тора, ә аның техник торышы «яхшы» дип бәяләнә. Ачыкланган мәдәни мирас объекты Биләр авылы һәм Татарстан тарихында мөһим элемент булып тора, дип нәтиҗә ясый эксперт.