Комитет Ершов урамындагы тарихи бина белән бәйле вәзгыятьне контрольдә тота
ТР Мәдәни мирас объектларын саклау комитеты Н.Ершов ур., 32 / Әбҗәлилов ур., 23 адресы буенча урнашкан бина тирәсендәге хәлне аңлата һәм аны саклау буенча күрелә торган чаралар турында хәбәр итә.
Комитетның «Казан шәһәренең региональ әһәмияттәге тарихи җирлек территориясе чикләрен һәм аны саклау предметын раслау турында» 28.12.2024 ел, № 749-п боерыгы нигезендә күрсәтелгән бина шәһәрне формалаштыручы – 1954 елда төзелгән «40 нчы стройтрест тулай торагы» тарихи кыйммәткә ия объект булып тора.
Объект Казан шәһәренең региональ әһәмияттәге тарихи җирлегенең саклау предметы сыйфатында дәүләт саклавында тора. Бу аны җимерү законнар белән тыелган дигәнне аңлата.
Сакланырга тиеш:
· бинаның төп күләме;
· тарихи фасадны хәл итүнең стилистик һәм архитектур үзенчәлекләре;
· түбә конфигурациясе;
· фасадларны бизәүнең тарихи материаллары;
· түбә материалы.
2024 елның ноябрендә Комитет объектның барлык биш милекчесенә дә архитектура корылмасының җимерелүенә бәйле рәвештә кисәтүләр бирде.
2025 ел дәвамында милекчеләрне шәхси кабул итүләр үткәрелде. Каршы килүләр булды, әмма милекчеләр тарафыннан объектны саклап калу буенча конкрет чаралар күрелмәде.
2025 елның октябрендә Комитет Татарстан Республикасы Прокуратурасына объект милекчеләренең гамәл кылмаулары турында хат юллады. Объектка бергәләп чыгу гамәлгә ашырылды.
2026 елның гыйнварында Казан шәһәренең Вахитов районы прокуратурасы хокук ияләрен бинаны тиешле техник хәлгә китерергә мәҗбүр итү турындагы дәгъва таләпләрен юлладылар.
2026 елның 11 мартында беренче суд утырышы булды.
Комитет милекчеләрдән эзлекле рәвештә саклау йөкләмәләрен үтәүне таләп итә. 2024 елда проблема ачыкланганнан бирле ведомство тарафыннан законда каралган барлык чаралар күрелде: кисәтүләр, милекчеләр белән очрашулар, прокуратурага мөрәҗәгать итү.
Вәзгыять контрольдә кала.