Мәдәни мирас объектлары хокук ияләре игътибарына!
2026 елның 1 мартыннан «Россия Федерациясе халыкларының мәдәни мирас объектлары (тарихи һәм мәдәни һәйкәлләре) турында» 25.06.2002 ел, №73-ФЗ федераль законга мәдәни мирас объектларын карап тотуга бәйле эшләрне башкаруның хокукый механизмнарын камилләштерүгә юнәлдерелгән үзгәрешләр үз көченә керә.
Мондый эшләргә реестрга кертелгән мәдәни мирас объектын, ачыкланган мәдәни мирас объектын саклап калу эшләренә керми торган һәм сак предметына, тышкы кыяфәтенә, күләм-планлаштыру һәм конструктив чишелешләренә һәм структураларына, ачыкланган мәдәни мирас объекты интерьерына йогынты ясамаган мәдәни мирас объектларын тиешле техник, санитар һәм янгынга каршы карап тоту эшләре керә.
Мондый эшләрнең тулы исемлеге каралган, аңа түбәндәгеләр керә: инженер-техник тәэмин итү системаларының аерым элементларын ремонтлау, алмаштыру һәм (яисә) торгызу; стена, идән, түшәм һәм баскыч япмаларын локаль ремонтлау; штукатур һәм буяу катламнарын локаль ремонтлау, локаль зарарлануларны бетерү, түбә-тәрәзәләрнең саклагыч буявын торгызу, локаль керү төркемен һәм су агызу системасын ремонтлау; тәрәзә һәм ишек урнаштыру урыннарын ремонтлау һ.б.
Мәдәни мирас объектын карап тотуга бәйле гадиләштерелгән тәртиптә башкарыла торган эшләрне башкаруны планлаштыручы зат мәдәни мирас объектларын саклау органына мондый эшләрне планлаштырып башкару турында, аларны башкаруның төрләрен, күләмнәрен һәм срокларын, күрсәтелгән эшләрне башкарганда кулланыла торган машиналарын, механизмнарын һәм технологияләрен күрсәтеп, бары тик хәбәр генә җибәрергә тиеш була.
Моннан тыш, югарыда күрсәтелгән Федераль законның 52.1 статьясындагы 1 пунктчасы нигезләмәләренә төзәтмәләр кертелгән, алар нигезендә реестрга кертелгән һәм дәүләт милкендәге мәдәни мирас объекты эшчәнлегенең устав максаты мәдәни мирас объектларын саклап калу булган иҗтимагый берләшмәләргә, ассоциацияләргә, шулай ук эшчәнлекләренең устав максаты тарихи һәм мәдәни мирасны саклап калу яисә иҗтимагый файдалы башка максатлар булган, Россия Федерациясе Президенты указлары һәм күрсәтмәләре нигезендә төзелгән коммерциягә карамаган оешмаларга түләүсез файдалану шартнамәсе нигезендә түләүсез файдалануга бирелә.