Казанның Ферма-2 урамында урнашкан мәдәни мирас объектлары турында
Комитет тарафыннан Төньяк-Көнчыгыш укыту фермасы (Ферма-2) территориясен ачыкланган мәдәни мирас объектлары исемлегенә истәлекле урын буларак кертмәү турында карар кабул ителде.
Карар хәзерге вакытта Комитет тарафыннан Россия Федерациясе халыклары мәдәни мирас объектларының (тарихи һәм мәдәни һәйкәлләренең) бердәм дәүләт реестрына 1863 елда төзелгән Җир үлчәү мәктәбе биналары комплексын кертү буенча эш алып барылуы белән нигезләнә. Шулай ук аның территориясенең чикләре дә расланачак. Моннан тыш, әлеге территориядә урнашкан 3 объектның сак зоналары чикләрен билгеләү буенча да эш оештырылган. Мәдәни мирас объектларының саклау зонасы, төзелешне җайга салу зонасы һәм саклана торган табигый ландшафт зонасы билгеләнәчәк.
Шулай итеп, Ферма-2 территориясенең киләчәк үсеше мәдәни мирас объектларының һәм аларның тарихи мохитенең сакланышын тулысынча исәпкә алачак.