Казанда Мулланур Вахитов туган йортны Комитет мәдәни мирас объектлары реестрына кертәчәк
ТР Мәдәни мирас объектларын саклау комитеты объектны реестрга кертү турында уңай нәтиҗә белән экспертиза актын алды. Элегрәк эксперт Мартынов Александр Федорович йортны ачыкланган мәдәни мирас объектлары исемлегеннән төшереп калдырырга киңәш иткән иде. Документ Комитет тарафыннан эшләп бетерүгә кайтарылды.
Комитет элегрәк Мулланур Вахитовның тарихтагы ролен билгеләгән иде инде. Моннан тыш, объектның төп күләменең архитектур кыяфәте тулаем алганда аны XIX гасыр уртасындагы тарихи бина буларак танырга мөмкинлек бирә торган төп композицион һәм стилистик билгеләрне саклап калган.
Эксперт үз карарын яңадан карады, объектны реестрга кертүне дәлилле дип таныды, тарихи интерьерлар һәм планировкаларны югалтуга карамастан, йортның тарихи-мәдәни кыйммәткә ия булуын билгеләп үтте.