Мәдәни мирас объектларының сакланышын тәэмин итү бүлеге турында

Комитет адресына мәдәни мирас объектларының сакланышын тәэмин итү турындагы бүлекләргә карата дәүләт тарихи-мәдәни экспертиза уздыру кирәклеге турында мөрәҗәгатьләр килә.

Россия Федерациясе Мәдәният министрлыгы позициясен исәпкә алып, Комитет хәбәр итә: 25.06.2002 ел, №73-ФЗ федераль законның 36 статьясындагы 2 пункты нигезендә мәдәни мирас объекты территориясе чикләрендә, шулай ук объект территориясе чикләрендәге җир кишәрлегенә турыдан-туры бәйле булган кишәрлектә эшләр башкаруның аерым тәртибе бар.

Мәсәлән, эзләнү, проект, җир, төзелеш, мелиорация, хуҗалык һәм башка эшләр мәдәни мирас объектларының сакланышын тәэмин итү турында мәҗбүри бүлекләр яисә уздырыла торган эшләрнең мәдәни мирас объектларына йогынтысын бәяләүне үз эченә алган мәдәни мирас объектларының сакланышын тәэмин итү проектлары булганда гына башкарыла.

Әгәр сүз археологик мирас объекты турында барса, коткару өчен археологик кыр эшләрен уздыру планын эшләү һәм килештерү таләп ителә.

Әлеге документлар Татарстан Республикасы Мәдәни мирас объектларын саклау комитеты белән килештерелергә тиеш.

Шул ук вакытта, башкарыла торган эшләрнең мәдәни мирас объектына йогынтысы булмаса һәм димәк, эшләр башкарганда сакланышын тәэмин итү чаралары таләп ителмәсә, мондый бүлек дәүләт тарихи-мәдәни экспертизасын узмый.