Казанның «Әл-Мәрҗани» җәмигъ мәчетен быел зур күләмле реставрация эшләре көтә
Эшләр барышында фасадларга тарихи күренешне кайтару, ә нәкъ менә декорны, кәрниз һәм тягаларны яңарту, тышкы диварларның сак фартукларын, шулай ук капительләрне алмаштыру планлаштырыла.
Башта өске аркалы фрамугага төсле: сары, яшел, зәңгәр пыялалар куелган, ә капкачлары алты өлешкә бүленгән 2 нче кат буенча тәрәзә блоклары да тарихи күренеш алачак. 1 нче кат тәрәзә блокларында яныгн вакытында төтенне бетерүне тәэмин итәчәк электр үткәргечле ачыла торган фрамугалар каралган.
1766 елгы Әл Мәрҗани мәчетен саклау буенча проект документлары дәүләт тарихи-мәдәни экспертизасының уңай бәяләмәсен алган инде. Архитектур, конструктив чишелешләр манарада әйләнгеч металл галереяне, мәчет интерьерларын реставрацияләүне, тарихи территорияне таш койма һәм дүрт янкорманы реставрацияләүне күздә тота.
Хәзерге вакытта объектта авариягә каршы беренче чираттагы эшләр этабы тәмамланып килә, ул фундаментларның инъекцияле ныгытуны, диварларның цоколь өлешен гидрофобизацияләүне, мәчет гөмбәзендә һәм фасадында ярыкларны ремонтлауны, манараны ныгытуны һәм түбәне ремонтлауны үз эченә ала.
«Әл-Мәрҗани» мәчете башта «Беренче җәмигъ», «Юныс» мәчете дип аталган. Шәһәрдә иң борынгы таш мәчетләрнең берсе. Аның күләмле - планировка композициясе җирле төбәккә хас булган үзәк манаралы татар мәчетләреннән алынган. Мәчет бинасы Казан шәһәренең рәсми рәвештә теркәлгән мөселман мәхәлләсендә 1766-1770 елларда Екатерина II нең шәхси рөхсәте белән, губерна архитекторы В.И. Кафтырев проекты буенча җирле татар осталары тарафыннан мәхәллә кешеләре акчасына төзелгән.