Лаеш районында археологик экспертиза үткәргәндә XVIII-XIX гасыр балыкчылар поселогы табылган
2025 елда археологик разведка барышында Лаеш районында автомобиль юлы төзелеше проекты буенча хуҗалык тарафыннан үзләштерелергә тиешле җир кишәрлегенә тарихи-мәдәни экспертиза кысаларында «Урман аланы җирлеге» (XVIII - XX гасыр башы) мәдәни (археологик) мирас объекты ачыкланган.
Тикшерү барышында әлеге җирлекнең промысел юнәлешен тасвирлаучы кызыклы материал булган культура катламы табылган. Күп санда кара һәм кызыл балчыктан ясалган керамика фрагментлары, металл эшләнмәләр – пыяла куыкчыклар һәм балык тоту калкавычлары табылган. Тикшеренүчеләр, алынган материалларны анализлау нигезендә, җирлекне борынгы һәм хәзерге карталарда күрсәтелмәгән балыкчылар авылына кертәләр.
Хәзерге вакытта Татарстан Республикасы Мәдәни мирас объектларын саклау комитеты һәйкәлне дәүләт саклавына кую турында боерык әзерләде. Төзелеш эшләренә заказ бирүче ачыкланган археология һәйкәлен саклау чараларын билгели торган проект документациясе бүлеген эшли.