Татарстан эшмәкәрләре мәдәни мирас объектларын торгызуга ташламалы кредит алырга мөмкин
“Дом.РФ” АҖ мәдәни мирас объектларын торгызуга ташламалы кредитлар ачты. Кредит буенча ташламалы ставка яңадан каралган һәм хәзерге вакытта 9% тәшкил итә. Бу хакта Татарстан Республикасының мәдәни мирас объектларын саклау комитеты рәисе Иван Гущин ТР Дәүләт Советында Мәгариф, мәдәният, фән һәм милли мәсьәләләр комитеты утырышында сөйләде.
Россия Президентының Федераль Собраниегә Юлламасын гамәлгә ашыру буенча йөкләмәләр исемлеген үтәү йөзеннән РФ хөкүмәтенә «Дом.РФ» АҖ катнашында 2030 елга кимендә 1 мең мәдәни мирас объектын канәгатьләнерлек хәлгә китерергә һәм 2025-2030 елларда бу максатларга өстәмә бюджет ассигнованиеләре бүлеп бирергә кирәк.
Моннан тыш, Иван Гущин «Наследие.Дом.РФ» цифрлы платформасы ярдәмендә багланышларга игътибарны юнәлтте. Әлеге инструмент 2024 елда эшли башлады. Системада урнаштырылган каталогта республикада урнашкан 27 объект буенча белешмәләр бар. Аны киңәйтү планлаштырыла.
"Мәдәни мирас объектларын торгызу белән кызыксынган инвесторлар инде хәзер үк кызыксындырган параметрлар һәм сыйфатлар буенча объект сайлый, инвестицияләү турында Карар кабул итү өчен документацияне һәм тарихи белешмәне өйрәнә алалар. Гражданнарның торгызылган объектларны карау һәм аларның реставрациядән соң ничек файдаланылуын белү мөмкинлеге бар", - диде Гущин.