Иван Гущин ТР Дәүләт Советының Мәгариф, мәдәният, фән һәм милли мәсьәләләр комитеты утырышында чыгыш ясады
ТР Мәдәни мирас объектларын саклау комитеты рәисе Иван Гущин «Татарстан Республикасында мәдәни мирас объектлары турында» республика законына үзгәрешләр кертү турында сөйләде.
Закон проекты нигезендә мәдәни мирас объектларын саклауның региональ органнары вәкаләтләренә Россия Федерациясе Хөкүмәте билгеләгән тәртиптә региональ әһәмияттәге һәм җирле (муниципаль) әһәмияттәге мәдәни мирас объектларын торышы канәгатьләнерлек булмаган мәдәни мирас объектларына кертү турында Карар кабул итү кертелде.
Шулай ук закон проекты тарафыннан торышы канәгатьләнерлек булмаган һәм ташламалы арендага бирелергә тиешле мәдәни мирас объектларын исемлектән төшереп калдыру өлешендә үзгәрешләр кертелә. Бу дини билгеләнештәге күчемсез милеккә кагыла.
Мөһим үзгәреш шунда ки, яңа кагыйдәләр инде гамәлдәге аренда килешүләренә кагылмаячак, бу милекчеләр һәм арендаторлар арасындагы мөнәсәбәтләрнең тотрыклылыгын саклап калырга мөмкинлек бирәчәк.
Бу чаралар республиканың мәдәни мирас объектлары белән идарә итүне яхшыртуга һәм аны саклап калуның нәтиҗәлелеген арттыруга юнәлдерелгән.