Татарстан башкаласында «Казаныш» Халыкара архитектура-төзелеш форумы старт алды
Халыкара вакыйганың ачылышы ТР рәисе Рөстәм Миңнеханов катнашында узды. Чарада шулай ук мәдәни мирас объектларын саклау буенча Татарстан Республикасы Комитеты рәисе Иван Гущин катнашты.
Рөстәм Миңнеханов ассызыклаганча, бүген БРИКС илләре вәкилләре белән шәһәр төзелеше һәм архитектура эшләнмәләре буенча тәҗрибә уртаклашу мөһим. Һәм форум - бу юнәлештә хезмәттәшлекне үстерү өчен яхшы мәйданчык.
Форумда БРИКС илләренең мэрлары, архитекторлары катнаша, югары уку йортларын тәкъдим иттеләр.
Катнашучылар БРИКС+ илләренең архитектура сәясәте, биоклиматик архитектура, кеше үзәклеге, тарихи мохит редевелопменты һәм киләчәк шәһәрләрен булдыру турында фикер алышалар.
Иң яхшы практикалар белән алмашу өчен 11 мең кеше теркәлгән. Алар арасында дөньяның 24 иленнән экспертлар да бар.
Программада 115 тән артык чара һәм 400 гә якын спикер катнашуы планлаштырылган. БРИКС+илләренең архитекторлар берлекләре җитәкчеләре очрашуы уздырылачак.