Татарстанның мәдәни мирас объектларын саклау комитеты мәдәни мирас объектларын популярлаштыру буенча яңа ел флешмобы уздыра
Бу яңа ел алды көннәрендә Гаилә елы кысаларында Татарстанның мәдәни мирас объектларын саклау комитеты Яңа ел флешмобын – #Елкапамятникновыйгодны башлап җибәрә. Әлеге проект республикабызның архитектура шедеврларын саклауга һәм популярлаштыруга багышланган.
Ничек катнашырга?
Казанда яки Татарстанның теләсә кайсы почмагында үзегезнең яраткан архитектура һәйкәлен табыгыз.
Аның фонында кабатланмас селфи яки гаилә фотосы ясагыз.
Социаль челтәрләрдә фото һәм тарихи урын турындагы вакыйга белән #ЕлкапамятникНовыйгод хештегы куеп уртаклашыгыз.
Тарихның бер өлеше булу һәм мәдәни мирасны саклауга өлеш кертү мөмкинлеге алачаксыз!
Комитетның Вконтактед социаль челтәренә а https://vk.com/wall-173650063_1310 һәм Телеграмына https://t.me/OKN_Tatar язылырг
Илһам өчен үрнәк: комитет матбугат сәркатибе Эльвира Шәрәфиева Иске Татар бистәсендәге Казаков утары янында фотога төшкәннән соң флешмобны башлаган иде инде. Бу бина – чорның чын символы, һәм ул бәйрәм бизәлешендә аеруча сокландыргыч.
Нигә катнашырга?
- Безнең игътибарыбыз кирәк булган архитектура һәйкәлләренә ярдәм итү максатыннан.
- Казан һәм Татарстан халкына кайсы объектлар күбрәк ошый икәнен ачыкларга.
- Һәм, әлбәттә, әлеге уртак эштә катнашудан Яңа ел кәефе һәм бәхет заряды алырга!
Яңа ел алдыннан без нәтиҗәләр чыгарачакбыз һәм флешмоб катнашучылары арасында кайсы һәйкәлнең иң яратканы булуын беләчәкбез. Шулай булгач, алга, дуслар! Үзебезнең архитектура хәзинәләребезне тагын да танытыйк һәм ныграк яратыйк!
Катнашу өчен архив фотосы рөхсәт ителә, иң мөһиме ул тарихи-мәдәни мирас объекты (ягъни 17, 18, 19, 20 гасыр башы) - архитектура һәйкәле фонында булырга тиеш
Җиңүчегә бүләк биреләчәк! Җиңүчене очраклы рәвештә рандомайзер аша билгелибез.