Россиядә ташламалы кредитлау өчен кунакханәләрнең инвестпроектларын сайлау кагыйдәләрен үзгәртәчәкләр
Планлаштырылган яңалыклар турында Хөкүмәт комиссиясе утырышы барышында Икътисади үсеш министрлыгы башлыгы Максим Решетников сөйләде. Ул 2021-2024 елларда «туризм һәм кунакчыллык индустриясе» милли проекты нәтиҗәләренә багышланган иде.
“Шулай ук номер фондына һәм кунакханә мәйданнарына критерийларны киметергә тәкъдим итәбез, әгәр алар мәдәни мирас объектларын хуҗалык әйләнешенә кертү кысаларында төзелсә", – диде Икътисади үсеш министрлыгы башлыгы Максим Решетников утырышта чыгыш ясаганда.
Туристлык инфраструктурасын үстерү буенча инвестпроектларга ташламалы кредит кунакханәләр төзүгә яки реконструкцияләүгә 2022 елдан бирелә, ләкин таләпләр гамәлдә: кунакханә мәйданы 5000 кв. м яки 120 номердан ким булмаска тиеш. Мондый критерийларга мәдәни мирасның барлык объектлары да эләкмәгән.