Эмине Эрдоган «Әл-Мәрҗани»мәчетендә булды
Бүген, 24 октябрьдә, Брикс-2024 саммитының мактаулы кунагы – Төркия Президенты хатыны Эмине Эрдоган республиканың мәдәни мирас объекты булган «Әл-Мәрҗани» мәчетендә булды.
Очрашу барышында ТР мөфтие Камил хәзрәт Сәмигуллин Эмине ханымны Казанда төзелгән беренче таш мәчет булган «Әл-Мәрҗани» мәчетенең архитектура үзенчәлекләре һәм эчке бизәлеше белән таныштырды. Саммит алдыннан биредә масштаблы ремонт эшләре үткәрелгән: реставраторлар фасадларга тарихи барокко кыяфәтен кайтарганнар, декоратив элементларны, тәрәзәләрне һәм декоратив-нәфис металл эшләнмәләрне торгызганнар. Эшләр шул исәптән мәдәни мирас объектларын саклау буенча Татарстан Республикасы комитеты контролендә алып барылды.
Кунак яңартылган мәчетнең залларын һәм интерьерларын игътибар белән һәм сокланып карады, тантаналы залларны һәм уку сыйныфларын карады, шулай ук китапханәдә һәм «Әл-Мәрҗани» тарихы һәм аның танылган имамнары турындагы интерактив музейда булды. Шуларның берсе-татар мөселман дин белгече һәм мәгърифәтче Шиһабетдин Мәрҗани, ул бу мәчеттә 1850 нче елдан 1889 нче елга кадәр хезмәт иткән.
Мөфти Камил хәзрәт Эмине ханымга экскурсия үткәргәндә Татарстанда һәм Россиядә ислам үсеше турындагы кызыклы фактлар белән уртаклашты.
Хушлашканда ул аңа истәлекле бүләкләр - «Казан басмасы» Коръәнен һәм Идел буе Болгары халыкларының ислам динен кабул итүенә 1100 ел тулу уңаеннан өч телдә чыгарылган «Россиядә ислам тарихы» фәнни басмасын тапшырды.
БРИКС саммитының дәрәҗәле кунакларын бу көннәрдә «Кол Шәриф " мәчете дә кабул итте. Алар арасында: Берләшкән Милләтләр Оешмасы Генераль сәркатибе Антониу Гутерриш һәм Шанхай хезмәттәшлек оешмасы (ШОС) генераль сәркатибе Чжан Мин, Бангладеш, Шри-Ланка делегацияләре һ. б.
ТР мсульманнары Диния нәзарәте материалларына нигезләнеп