Казан шәһәрен БРИКС илләре саммитына әзерләү дәвам итә
Мәдәни мирас объектларын саклау буенча Татарстан Республикасы комитеты рәисе Иван Гущин Казан шәһәрен БРИКС илләре саммитына әзерләү дәвам итүе турында сөйләде. Мәсәлән, Сөембикә манарасында аварияләргә каршы эшләр тиз темпта алып барыла.
"Хәзер ярыкларны спираль анкерлар белән тарттыру бара, фундаментны ныгыту өчен, инъекцион гидроизоляция салынды. Объектлар күп, әмма барысын да вакытлы эшләрбез һәм өлгерербез дип уйлыйм", - диде Иван Гущин.
Хәзер вакытта Казанда 10 мәдәни мирас объектын ремонтлау һәм реставрацияләү дәвам итә. Алданрак Казан Ратушасында, Казан Кремлендәге Юнкер училищесында, Карл Маркс урамындагы Грачев йортында һәм башка биналарда эшләр төгәлләнде. Аерым алганда, Бауман урамындагы Матбугат йорты да төзелеп беткән. Бинада урнашкан кунакханәне рәсми делегацияләр урнаштыруга әзерлиләр. Моннан тыш, узган атнада Казан Сәламәтлек саклау идарәсе урнашкан Горький урамындагы 14 нче йортта Родионов йортын реставрацияләүгә керештеләр.