Казанның Бауман урамындагы тарихи йортларны җимерелүдән коткаралар
Казанның Бауман урамындагы төбәк әһәмиятендәге ике мәдәни мирас объектында — 32 нче һәм 34 нче йортларда авариягә каршы эшләр дәвам итә. 1840 нчы елларда төзелгән ике бина да соң классицизм стиленең якты үрнәге булып тора. Соңгы елларда авария алар хәленә килә.
«Щетинкин йорты» буларак билгеле 34 нче йорт ишегалдыннан керү юлы булган ике катлы элеккеге бина. Хәзер аның алгы дивары гына калган. "Щепочкин йорты" (32 нче йорт) бераз яхшырак сакланган — фасадның классицизмга хас декор элементлары булган өлеше исән калган.
Объектның техник торышын исәпкә алып, эшләр ике этапта башкарыла: конструкцияләрне көчәйтү буенча авариягә каршы чаралар һәм ремонт-реставрация эшләре.
"Авариягә каршы эш кысаларында лицензияле подряд оешмасы авария хәлендәге конструкцияләрне сүтте инде, территория һәм бина үсемлекләрдән һәм чүп-чардан чистартылды, саклагыч киртәләр куелды, фундаментлар көчәйтелә, фасадларда ярыклар инъекцияләнә. Эшләр Татарстан Республикасы мәдәни мирас объектларын саклау комитеты тарафыннан авторлык, техник һәм төзелеш күзәтчелеге һәм контроле астында башкарыла», — дип ассызыклады комитет башлыгы Иван Гущин.