Комитет «Мануйлова исемендәге гимназия»объектын саклап калу буенча реставрация эшләрен уздыруга фәнни-проект документациясен килештерде
Комитет Япеев урамындагы 14нче йортта урнашкан «Мануйлова исемендәге гимназия» мәдәни мирас объектын саклау буенча ремонт-реставрация эшләрен үткәрү буенча фәнни-проект документациясен килештергән.
Модерн стилендәге өч катлы турыпочмаклы бина 1911 елда төзелгән. Моны фасадның чатыр рәвешендә тәмамланучы шпильнең металл флагына уеп ясалган дата дәлилли. Хосусый милек булып тора.
Бина Керем йортына хас үзенчәлекләргә ия: парад һәм кара керү урыны бар, ике баскыч мәйданы баскыч шахталарына карата симметрияле урнашкан. Тарихи-архив тикшеренү мәгълүматлары буенча, йорт биләмәсе 1880 нче еллардан да соңрак формалашмаган.
Ул башта бер катлы агач йорттан һәм хезмәт корылмаларыннан торган. Соңрак территориядә әлеге кирпеч йорт барлыкка килгән.
Элегрәк объектта өч үлчәмле лазерлы сканерлар ярдәмендә тарихи-архитектур тикшеренүләр үткәрелгән. Шуның нигезендә үлчәү сызымнары, инженер-техник тикшеренүләр, төзелеш һәм бизәү материаллары, күләм параметрлары буенча тикшеренүләр,һәм фотофиксация башкарылган.
Проектта, декорның тарихи сакланган элементларын үрнәк итеп кулланып, фасадларның һәм интерьерларның тарихи-архитектур күренешен торгызу, ремонтлау, реставрацияләү күздә тотыла.
Гамәлдәге инженерлык челтәрләрен ремонтлау һәм алыштыру, мөмкинлеге чикле кешеләр өчен керү шартлары тудыру, янгын куркынычсызлыгын тәэмин итү чаралары күздә тотыла.
Һәйкәлне заманча файдалануга җайлаштыру кысаларында, нормаларга нигезләнеп, 21 бүлмәле апарт-отельне әлеге бинада урнаштыру планлаштырыла.