А.М.Горький яшәгән мәдәни мирас объектында авариягә каршы эшләр башкарыла
Казан шәһәре, Ульянов-Ленин урамы, 60 адресы буенча урнашкан А.М. Горький 1884 елда яшәгән йорт төбәк әһәмиятендәге мәдәни мирас объекты статусында дәүләт саклавында тора. Хәзерге вакытта объектта авариягә каршы чаралар үткәрелә. Комитетның тиешле рөхсәте 2023 елның октябрендә 2024 елның июненә кадәр лицензияләнгән оешма тарафыннан алынган.
Объектның торышын истә тотып, Комитет тарафыннан килештерелгән проектта янкорманы төп бинага тимер пластиналардан ясалган тяжлар ярдәмендә беркетү, терәк система өчен винтлы свайлар бораулау, авария хәлендәге янкорманың төзелеш конструкцияләрен этаплап сүтү каралган.
Ныклыгы һәм бөтенлеге югалу сәбәпле саклап калып булмаган сүтелгән элементлар башкарылган үлчәүләр буенча торгызылачак.
Эшләрне башкару дәвамында объектта эшләр башкаруның сыйфаты һәм дөреслеге өчен җаваплы авторлык һәм техник күзәтчелек алып барыла.
Техник торыш акты һәм комплекслы инженер-техник тикшеренүләр нигезендә, һәйкәлнең төзелеш конструкцияләре канәгатьләнерлек түгел, аерым участокларда - авария хәлендә дип танылды. Янкорма конструкцияләренең дефектлары һәм зарарланулары ачыкланган. Кинәт җимерелү һәм кешеләрнең гомеренә һәм сәламәтлегенә зыян китерү куркынычы бар иде.