Бүген Парижда «Казан дәүләт университетының Астрономия обсерваторияләре»нә досье турында фикер алыштылар
Бүген Парижда ИКОМОС (Һәйкәлләрне һәм тарихи урыннарны саклау буенча халыкара совет) панеле утырышында «Казан дәүләт университетының Астрономия обсерваторияләре» мәгълүмати досьесын карадылар. Чарада видеоэлемтә буенча ТР Мәдәни мирас объектларын саклау комитеты рәисе Иван Гущин катнашты.
Совет әгъзалары КФУның фәнни эшчәнлек буенча директор урынбасары Рафаэль Вәлиев җитәкчелегендәге Татарстан делегациясенә досьены әзерләгән өчен рәхмәт белдерде.
Быелның көзендә, катлаулы халыкара хәлгә карамастан, ЮНЕСКО миссиясе Казан обсерваториясендә булды һәм фактик материал белән танышты, бирелгән мәгълүматның реаль эшләр торышы белән туры килүен карады.
Ахыргы карарны әле кабул ителмәгән Бу очрашуның максаты - коммуникация һәм кызыксынучы якларның кире элемтәсе, бу фикер алышу мөмкинлеге, турыдан-туры, тере диалог режимында аныклаучы сорауларга җаваплар алу мөмкинлеге, алар, һичшиксез, ИКОМОС советы әгъзаларын тәкъдим ителгән досье белән таныштырганнан соң барлыкка килергә мөмкин.
Обсерваторияләрдә сакланган сирәк инструментарийның кыйммәтләре турында мәгълүмат өстәргә дигән тәкъдимнәр яңгырады. Кайдадыр шуңа охшашлыларны музейларда күрсәтәләр, ә монда астрономик җиһазларда элеккечә фәнни тикшеренүләр алып барыла, шулай ук университет студентлары белем ала.
Моннан тыш, хәзерге зур шәһәрнең Казан университеты биналарының тарихи ансамбленә йогынтысы дәрәҗәсе, совет чорында обсерватория тарихы, башка илләрдә мондый объектлар белән чагыштырмача анализ кызыксындырды.
Исегезгә төшерәбез, досье өстендә эш 2019 елда башланды. Татарстан галимнәре актив катнашып, ЮНЕСКОның астрономия өлкәсендәге иң зур универсаль кыйммәткә ия булган һәйкәлләрне тикшерүгә һәм тәкъдир итүгә багышланган «Астрономия һәм дөнья мирасы» инициативасын хупладылар. Мондый объектлар ЮНЕСКОда җитәрлек тәкъдим ителмәгән.
Казан университеты обсерваторияләренең бу таләпләргә туры килүенә галимнәр шикләнми. Белгечләр сүзләренчә, ЮНЕСКО исемлегенә обсерваторийны кертү турында уңай карар кабул итү өчен яхшы алшартлар бар.