Татарстанның Биектау районының Айбаш авылындагы мәчет төзекләндереләчәк
Кичә ишелеп төшкән манара үзенең законлы урынына кайтачак, ләкин 2 елдан соң һәм төзекләндерелгән хәлдә. Башлангыч исәпләүләр буенча бөтен бинаның торгызылу-реставрация эшләренә нәкъ менә шулкадәр вакыт таләп ителәчәк. ТР Мәдәни мирас объектларын саклау комитеты рәисе Иван Гущин җитәкчелегендәге күчмә киңәшмәнең бер нәтиҗәсе әнә шундый.
Визуаль эксперт тикшерүе күрсәткәнчә, бина авария хәлендә. Явым-төшем тәэсирендә манараның дүрт агач йөз терәгенең берсе череп беткән, бу аның авышлыгына китергән, һәм шуның нәтиҗәсе буларак, көчле җил вакытында җимерелгән.
«Агач төзелеш сәнгате объектларына вакыт һәм һава торышы шартлары бик нык тәэсир итә. Әлеге мәчет авариягә каршы һәм реставрация эшләренә мохтаҗ. Без манара өлешен явым-төшемнән консервациялибез, кабат тикшеренүләр ясыйбыз. Ике атнадан эш масштабын һәм юл картасын тулысынча аңлау булачак. Мин бүген күргәннәрдән чыгып түбәне тулысынча алмаштырырга, ә манараны яңадан җыярга туры киләчәк. Мәчетнең зурлыгын исәпкә алып, без аны бер ел эчендә реставрацияләргә өлгермибез. Минемчә, эшләр ике ел дәвам итәр. Хәзер без мәхәллә кешеләре өчен карар кабул итәбез. Ләкин бу авылда азан тавышы тынмаячак», - дип уртаклашты Иван Гущин.
Мәчетне консервацияләү процессы башланды инде. Манара өлеше кар кермәслек итеп ябылган. Объектны тикшеренүләр һәм реконструкцияләр өчен ябачаклар. Ләкин намаз укулар итәчәк. Мәсьәлә җирле хакимият тарафыннан хәл ителә, ә әлегә Дамир хәзрәт Хәбибуллин мәхәллә халкы белән үз өендә намаз укырга әзер.
Мәчет - «төбәк әһәмиятендәге мәдәни мирас объекты. 20 гасырда 1864 елда төзелгән.