Саранскта Идел буе федераль округының мәдәни мирас объектларын саклау органнары җитәкчеләре өчен семинар-киңәшмә уза
Саранскида Идел буе федераль округының мәдәни мирас объектларын саклау органнары җитәкчеләре өчен семинар-киңәшмә уза.
«Мәдәни мирас объектларын саклау өлкәсендә федераль дәүләт контроле (күзәтчелек) мәсьәләләре» темасына түгәрәк өстәлнең модераторы Татарстан Республикасы мәдәни мирас объектларын саклау комитеты рәисе Иван Гущин булды.
Мондый очрашулар даими нигездә уздырыла һәм мирасны саклау эшендә актуаль проблемалар һәм перспективалар буенча фикер алышу өчен яхшы мәйданчык буларак танылды.
Үз чыгышларында, ачык сөйләшүләрдә катнашучылар төрле мәсьәләләр буенча тәҗрибә уртаклашалар. Мәсәлән,
- федераль үзәктән төбәкләргә тапшырылган яңа вәкаләтләрне гамәлгә ашыру,
- туристлык үсеше факторы буларак, мирас,
- мәдәни мирасны саклауда музейларның роле.
Аралашу конференция залларда гына бармый. Семинарда катнашучылар мәдәни мирас объектларында булдылар, аларның берсе Мордовия Республикасының Макаровка авылында урнашкан Иоанн-Богословский православие ир-атлар монастыре булды.