«Мирас-Наследие» этномәдәни лагерында «Татарстан мирасы» квесты узды
Бүген балалар республиканың Яшел Үзән районында «Мирас-Наследие» этномәдәни лагерында яшь археологлар булырга, хәзинә табарга, архитектура һәйкәлләре турында яңалыклар белә алдылар. Әлеге учреждениенең мәйданчыгы Мәдәни мирас объектларын саклау комитеты тарафыннан оештырылган «Татарстан мирасы»тематик квестын үткәрү мәйданчыгы булды.
Чараның модераторы сыйфатында комитет рәисе Иван Гущин чыгыш ясады.
«Республикада мәдәни мирас объектларын саклап калуга һәм популярлаштыруга зур игътибар бирелә. Үсеп килүче буын белән тәрбия эше дә биредә аерым роль уйный. Безнең өчен балалар белән эшләү мөһим. Бу яшьтә үз ватаның мәдәнияте һәм тарихы белән чын кызыксыну тәрбияләргә мөмкин. Ышанам, мондый уен форматы киләчәктә үзенең нәтиҗәлеген раслаячак". Иван Гущин.
Уен үзе эчтәлеге һәм формасы белән аерылып торган берничә этапта узды. Балалар пазллардан мәдәни мирас объектларын җыйдылар, викторина сорауларына җавап бирделәр, карта буенча хәзинәләр эзләделәр. Аерым блок безнең республикада булган ЮНЕСКО Бөтендөнья мирасы объектларына багышланган иде. Үз белемеңне, зирәклегеңне күрсәтергә туры килде.
Ахырда, катнашучыларны төп бүләк көтте.