РФ Президентының ИФОдагы тулы вәкаләтле вәкиленә тарих һәйкәлләрен уңышлы җайлаштыру проектларын күрсәттеләр
Бүген РФ Президентының Идел буе федераль округындагы тулы вәкаләтле вәкиле карамагындагы советның чираттагы утырышы кысаларында Казан Ратушасында оештырылган күргәзмәдә Комитет рәисе Иван Гущин чарада катнашучыларга Татарстанның мәдәни мирас объектларын нәтиҗәле файдалану проектларын тәкъдим итте.
Мәсәлән, РФ Президентының Идел буе федераль округындагы Тулы вәкаләтле вәкиле Игорь Комаровка, Идел буе федераль округына керүче төбәкләр башлыкларына һәм Советта башка катнашучыларга Иске Татар бистәсен торгызганда дәүләт-шәхси партнерлык үрнәге күрсәтелде, 1845 елда төзелгән сәүдәгәр Демидов йортын стандарт булмаган җайлаштыру проекты билгеләп үтелде, ул җанланды һәм анда «Анна Каренина» иммерсив спектакле күрсәтелә. Шулай ук Иван Гущин үзенең чыгышында Шамов хастаханәсен спа-отель итеп җайлаштыру буенча уңышлы инвестицион проект турында да искәртте.
«Тарих һәйкәлләрен саклауның мөһим өлеше - дөрес реставрацияләү генә түгел, ә аны заманча куллану да, – дип билгеләп үтте И.Гущин. - Мәдәни мирас объектларын хуҗалык әйләнешенә кертү буенча нәтиҗәле карарлар кирәк».
Казан Мәрьям Ана иконасы соборы, Меңьеллык Алабуга, «Бөек рус әдәбияты шәһәре» - сәүдәгәрләр Чистае игътибардан читтә калмады.