19 гасыр агач мәчете территориясендә Казан студентлары өчен остаз дәресе үткәрелде
Бүген төзелеш көллияте студентлары өчен тарихи агач белән эшләү буенча уникаль мастер, архитектор, югары категорияле реставратор, Дәүләт премиясе лауреаты Александр Владимирович Попов катнашында күчмә семинар оештырылды.
Егетләр һәм кызлар Татарстанның Балык Бистәсе районындагы Олы Елга авылына, белгечнең 19 гасырның агач мәчетен яңадан торгызуын күрү өчен килгән.
Александр Попов студентларга агач төзелеш сәнгате объектын реставрацияләү турында сөйләде. Хәзерге вакытта белгечләр командасы тарафыннан объектта реставрация эшләре алып барыла.
«ТР Президенты дәрәҗәсендә белгечләр кирәк дигән мәсьәлә хәл ителде. Шуңа күрә һөнәрчеләрне, архитекторларны, инженерларны өйрәтергә кирәк. Президент белән сөйләшкәндә, ул мәгариф, реставрация һәм фән булачак кластер булдырырга кирәклеген әйтте», - дип белдерде Попов Казан төзелеш көллияте студентлары һәм укытучыларына.
Реставратор билгеләп үткәнчә, бүгенге көндә тарихи агачны реставрацияләү өлкәсендә белгечләр аз һәм "запас уенчылар эскәмиясен" әзерләргә һәм белемнәрне яңа буынга тапшырырга кирәк.
ТР мәдәни мирас объектларын саклау комитеты рәисе Иван Гущин билгеләп үткәнчә, төзелеш көллияте базасында оештырылачак белем бирү процессында студентлар гына түгел, укытучылар да җәлеп ителәчәк. “Алар өчен без дә ниндидер курслар оештырырга, йә күчмә, йә төзелеш көллияте базасында оештырырга планлаштырабыз”, - дип нәтиҗә ясады комитет рәисе.
Мәчетне реставрацияләү 5 гыйнварда башланды һәм подрядчы оешма планнарында 2020 елда республикада билгеләп үтеләчәк Татарстан АССР төзелүнең 100 еллык юбилеена эшләрне төгәлләү планлаштырыла.