ЯҢАЛЫКЛАР
Хөрмәтле хезмәттәшләр! Хөрмәтле дуслар!
Бүген безнең һөнәри бәйрәмебез – Мәдәният хезмәткәре көне. Ул халкыбыз калебенә салынган кыйммәтләр: аның тарихын, гореф-гадәтләрен, рухи мирасын саклап калу, торгызу, арттыру һәм киләчәк буыннарга тапшыру бурычын куйган шәхесләрне берләштерә.
Федераль әһәмияткә ия булган «Ананьино каберлеге» (б.э.к. VIII–III гасырлар) археология һәйкәле территориясендә гадәти булмаган сакчылар – тыюлык зонасы периметры буенча урнаштырылган 25 агач скульптура барлыкка килгән. Борынгы сугышчыларны хәтерләткән фигуралар 3,9 гектар мәйданлы саклана торган участок чикләрен визуаль билгели һәм тарихи мираска сакчыл караш кирәклеген искә төшерәләр.
2026 елның 20 мартында, Ураза бәйрәме уңаеннан, Биектау районының Айбаш авылы зур шатлык үзәгенә әверелде. Биредә масштаблы торгызудан соң төбәк әһәмиятендәге мәдәни мирас объекты, агач төзелеш сәнгатенең чын энҗе бөртеге – мәчет үз ишекләрен ачты. Ачылу тантанасында Татарстан Республикасы Рәисе Рөстәм Миңнеханов һәм Татарстан мөфтие Камил хәзрәт Сәмигуллин катнашты.
Иртәгә Биектау районында реставрациядән соң уникаль агач мәчет ачылачак. 2026 елның 20 мартында Биектау районының Айбаш авылында төбәк әһәмиятендәге «XX гасыр башы мәчете» мәдәни мирас объектын ачу тантанасы була. Уникаль агач архитектура һәйкәле масштаблы реставрациядән соң янә тормышка кайта.
Татарстан башкаласында «Александров пассажы бинасы» төбәк әһәмиятендәге мәдәни мирас объектын этаплап реставрацияләү бара.
Инвесторлар кунакханә өчен мәдәни мирас объектларын реставрацияләүгә еллык 6% ставка белән кредит ала алачак. Россия Мәдәният министрлыгы һәм ДОМ.РФ борынгы биналарны торгызуны ташламалы кредитлау программасына үзгәрешләрне раслаганнар.
Татарстан Республикасы Мәдәни мирас объектларын саклау комитеты рәисе Иван Гущин Федерация Советының Фән, мәгариф һәм мәдәният комитетының түгәрәк өстәлендә «Мәдәни мирас цифрда: чакырулар, технологияләр, интеграция» темасына доклад белән чыгыш ясады. Үз чыгышында ул региональ сак органнары тарыган системалы проблемаларны билгеләде һәм Татарстанда уңышлы гамәлгә ашырылган конкрет чишелешләрне тәкъдим итте.
Татарстан Республикасының Мәдәни мирас объектларын саклау комитеты «Бергә саклыйбыз» проектын дәвам итә, ул республиканың изге дини урыннарын торгызу өчен битараф булмаган кешеләрне берләштерә.
Комитет Казан шәһәрендәге Казан ветеринария институтының («Ферма-2») элеккеге укыту-хуҗалык комплексы территориясендә хуҗалык эшчәнлегенә бәйле вәзгыять буенча ММЧ мөрәҗәгатьләрен карады. Түбәндәгеләрне хәбәр итәбез.
Kazan Digital Week-2026 халыкара форумы кысаларында мәдәни мирасны цифрлаштыруның актуаль мәсьәләләре буенча «Цифрлы мирас» V фәнни-гамәли конференциясе узачак. Чара гадәттәгечә федераль һәм региональ хакимият органнары, фәнни һәм проект оешмалары вәкилләрен, тарих һәм мәдәният һәйкәлләрен саклау өлкәсендәге экспертларны җыячак.